B

Publié le par Duny-Pétré

Basanderiaren kantia

Ur xuria,
Ithurria,
Edaria,
Ixuria...

Iruzkian busti-bustia,
Ilargian urreria!

Ur garbia,
Mirailia,
Gazteria
Emailia...

Iruzkian busti-bustia,

Ilargian urreria!

Ur jauzia,
Anderia,
Kantaria,
Zer xoria!

Iruzkian busti-bustia,
Ilargian urreria!

1959-8-15

 

Berak erranez

 

Izanik omen pilotaria,

Erran ta erran ari zen Manez,

Zer den oraiko Joko-berria...

Hortan, jabetuz pilota batez,

Trenkatu nahiz bethi kintzia,

Hutsak eginik aldi guziez,

Atxeman zien estakuria:

Eskietan min, edo bestenez

Pilota-plaza zakon ttipia!

Xapelduna zen... berak erranez!

 

Roxali deitu neska gaztia,

Betikotz eder ezin egonez,

Mutxurdina zen bilakatia,

Parisen sehi lehen izanez.

Bana geroztik, zer kondaria

Emaiten zaukun, dena gezurrez:

Miss izanikan, egunkaria

Zen estalia haren potretez!

Jinkoak daki nun den egia.

Erregina zen... berak erranez!

 

Kaskoin ergel bat, mihi luzia,

Mintzo zen gerlaz, ontsa edanez.

Lehertu zien, hor, etsaia,

Lau gizon hilik ukaldi batez!..

Gure Pettiri trufatzailia,

Irrintzinaka hasirik tanpez,

Ikaran zagon kalakaria,

Ahoa nunbait hetsi beharrez,

Beldurrarekin zuri-zuria.

Gerlaria zen... berak erranez!

 

Bere buriaz arras hartia,

Gizon gazte bat, urruntik jinez,

Iduri zaukun zela Printzia,

Mintzatuz zaldiz edo langilez,

Aipatuz etxe ta jauregia.

Ezkonduz geroz, espanturik ez...

Borda batian zien tegia,

Ama gaixoa, langilen ordez,

Asto maingu bat, bere zaldia.

Haberatsa zen... berak erranez!

 

Igortze

Jaun Frantximenta, gora Frantzia!

Dena espartu, oihu eginez,

Harrotzen duzu herri guzia.

Paristarrak du sinesten zinez,

Mundian dela Frantses handia,

Lehen-lehena... berak erranez!

 

1963-10-17

Herria, 1963, 690. zk.

 

 

Pour être informé des derniers articles, inscrivez vous :
Commenter cet article